| • กลอนสอนใจ๋ เมืองเหนือ ตี่จะเยี๊ยะฮื้อชีวิตดีขึ้น .. ลองมาผ่อมากอยกั๋นเน้อ |
|
โพสต์โดย โน้ต cmprice , วันที่ 06 ก.ย. 58 เวลา 11:18:41 IP: Hide ip |
กด like เพื่อติดตามข่าวสารดีๆ
จาก cmprice.com
VVVVVV
ลิงก์ผู้สนับสนุน
|
|
ลิงก์ผู้สนับสนุน
© เนื้อหาข่าว/กระทู้
กลอนสอนใจ๋ เมืองเหนือ
หมอเปิ้นแนะนำ ควรจ๋ำเอาไว้
หากเฮาไค่ได้ ความสุขใส่ตั๋ว
หื้อเฮาหมั่นยิ้ม หื้อหมั่นใค่หัว
เหิดกับครอบครัว เหมือนคนเส้นตื้น
ใค่หัวหนึ่งกำ ความสุขจะขึ้น
ปาอายุยืน หนึ่งติ๊ด
เรื่องที่บ่าดี อย่าเก็บมาคิด
แป๋งจิตใจ๋หื้อ เบิกบาน
อารมณ์ดีแล้ว ต้องมีอาหาร
กิ๋นพอประมาณ แต่ละคาบข้าว
กิ๋นผักกิ๋นปล๋า ผลไม้พ่องเจ้า
ตี้มีบ้านเฮา นี่ละ
กล้วยอ่องเป๋นยา อายุวัฒนะ
ป้องกั๋นโรคได้ หลายอัน
กิ๋นน้ำนักนัก หลอดเลือด บ่าตั๋น ยะหื้อผิวพรรณ สดใสเป่งป้อย
ออกกำลังกั๋น วันละเล็กน้อย
มอกเตียวขึ้นดอย ป่าแพะ
ร้านเหล้าร้านยา อย่าไปข้องแวะ จะอดบ่อได้ เน้อนาย
หวานนักเก็มนัก ไผมักปันต๋าย
เป๋นโรคไตวาย ได้ง่ายว่าอั้น
พวกน้ำอัดลม ปาอายุสั้น
คุณภาพมัน ต่ำต้อย
เห็ดถอบราคา โลละสามร้อย
กุ้งเผาจานน้อย คาบพัน
ก็ลำตึ๊กลิ้น ตึ๊กคอเหมือนกั๋น
กิ๋นบ่ถึงวัน ก่อก๋ายเป๋นขี้
กิ๋นคึล้ำไป จะต๋ายเป๋นหนี้
แต่ประโยชน์มี น้อยนิด
กิ๋นของบ้านเฮา บ่มีสารปิ๊ด
ชีวิตจะได้ ยืนยาว
ของกิ๋นห้างร้าน ใส่สารฟอกขาว ล้วนแต่ฆ่าเฮา หื้อต๋ายเร็วขึ้น หื้อต๋ายเร็วขึ้น
cr.ครูโยธิน คนหละปูน
|
ลิงก์ผู้สนับสนุน
|
ลิงก์ผู้สนับสนุน
|
|
|
|
แจ้งลบกระทู้นี้
อ่าน 944 |
|
| แสดงความคิดเห็น |
โดย โน้ต cmprice
IP: Hide ip
, วันที่ 06 ก.ย. 58
เวลา 11:18:41
|
