| • #อินดูล้ำ #น้ำต๋าย้อย #โลกสวย ค่าวอาลัย ลูกหมาโดนยาเบื่อ |
|
โพสต์โดย สรรชัย ธิวงษา , วันที่ 21 เม.ย. 59 เวลา 13:31:47 IP: Hide ip |
กด like เพื่อติดตามข่าวสารดีๆ
จาก cmprice.com
VVVVVV
ลิงก์ผู้สนับสนุน
|
|
ลิงก์ผู้สนับสนุน
© เนื้อหาข่าว/กระทู้
ที่มา สรรชัย ธิวงษา
* 21/04/59…
ใจ๋ดำอย่างหมิ่นหม้อ...
“เกิดมาจ๊าดนี้ มอกมีข้าวกิ๋น โล่นเล่นตวยดิน หกเหนือล่องใต้ แม่อยู่ที่ไหน สุ่นไปอยู่ใกล้ เป็นเห็บหมัดไฮจ่างเต๊อะ เกิดมาเป็นหมา บ่หวังหยังเยอะ มอกมีแม่เจ้านอนปิง เล่นกับเปื่อนป๊อง ฮ้องกั๋นอิ๋งอิ๋ง ก่ายเล่นก็ปิง นอนกับแม่เจ้า วันนึ่งมีคน มาแยงผ่อเฝ้า เขาเมตต๋าเฮาเหียล้ำ โจ้จิ๊นเข้ามา เฮาฟั่งเข้าย้ำ หื้อหายเอ่าอ้ำปุ๋มใน ลืนลงคอแล้ว เจ็บปอจะต๋าย ต๊องไส้ปายใน อย่างปุดขาดหวิ้น หมู่ข้าตังหลาย ดีดกลิ้งเสือกกลิ้ง เจ็บจ๋นลืมคิงเยือกย้าว เสียงครางอิ๋งอิ๋ง ฮ้องกั๋นซ้าวซ้าว เจ็บแผวดูกด้าวปายใน ทารณเจ่นล้ำ น้ำต๋าปังไหล จะเปิ่งไผใด ก็เปิ่งบ่ได้ จะฮ้องออกไป ก็เจ็บปวดไส้ เหมือนไฟโอ่ในเอ่าฮ้อน จ๊าดนี้มีกั๋มม์ ขอลาพี่น้อง ลาหอแห่งห้องเกยนอน ลาแม่ที่ฮัก ฟูมฟักถนอม ต้องจ๋ำลาจร จากเจ้าของข้า เกยตุ้มอุ้มก๋ำ นำผืนแผ่นผ้า มาคลุมก๋ายาห่มตุ๊ม ยามมีหมอกเหมย ตกเจยเปียะลุ้ม เอาผ้ามาหุ้มก๋ายา ดังไฟต้มน้ำ เซาะจิ๊นติ่นปล๋า มาเลี้ยงก๋ายา หาหยังมาป้อน ลาแม่สายใจ๋ เดียวดายส้อนต้อน อดเอานายมอนแม่ไท้ ส้ายหนี้เวรกั๋มม์ จ๊าดก่อนสร้างไว้ จ๋ำเป็นได้ส้ายเขาไป ขอบคุณจ๊าดนัก แฟนค่าวตังหลาย ที่อ่านค่าวใย ความในใจ๋ข้า ความในใจ๋ข้า”
สรรชัย ธิวงษา แต้มไว้
(ขอขอบคุณ ลุงหมูฉึกฉึก และ เจ้าของภาพตวยเน้อครับ)
|
ลิงก์ผู้สนับสนุน
|
ลิงก์ผู้สนับสนุน
|
|
|
|
แจ้งลบกระทู้นี้
อ่าน 3279 |
|
| แสดงความคิดเห็น |
โดย สรรชัย ธิวงษา
IP: Hide ip
, วันที่ 21 เม.ย. 59
เวลา 13:31:47
|
